Leita í fréttum mbl.is

Gefum fiskimönnum minni báta, fullt frelsi til veiða.

Þarna getur fólk séð hvernig farið er með íslendska fiskimenn, - það er, - hvernig kvótakerfið hefur leikið landsmenn grátt, og rústað útgerðarstaðina allt í kringum landið. Þökk sé ruglinu úr þessari "Hafró", sem leggur hönd dauðans á sjávarútveginn, - nema fáeina sér útvalda stórútgerðarmenn, - og allt með þökk og samþykki Alþingis og ríkisstjórna síðustu áratugina. Og Hafró á að leggja niður, ásamt með Fiskistofu.

Fyrir nokkrum árum sást ekki makríll á íslendskri fiskislóð. Þá fór hann allt í einu að koma, í stórum stíl, inn í íslendsku lögsöguna. En þá var eins og enginn vissi hvað ætti að gera. Menn vissu ekki hvort það borgaði sig að veiða makrílinn, eða bara láta hann eiga sig, því hann myndi hverfa aftur, eftir sumarið.

Síðan hefur fjöldi stórra skipa verið við makrílveiðar og þau koma með 500 til 1000 tonn í veiðiferð. Einn skipsstjórinn tilkynnti eitt sinn, að hann hefði veitt 500 tonn i einu hali, eftir hálftíma tog, - og það finnst öllum bara alveg sjálfsagt og eðlilegt.

En hvers vegna er þá verið að skammta hversu mikinn fisk sjómenn megi veiða, á hinum minni bátum? Hvers vegna mega þeir sjómenn ekki veiða eins mikið af fiski, - eins og hægt er, - meðan gefur og sjórinn virðist vera fullur af fiski? Og hvað er í veginum, - hvers vegna mega sjómenn ekki vera frjálsir? Hvers vegna þarf að skammta þeim fáeina veiðidaga, og skipta upp fiskimiðunum í veiðisvæði?

Og hver setur upp þessa brauðmola reglu, - þessar smjörklípu útdeilingar til minni bátanna, - þar sem skammtað er eins og mylsnu úr hnefa?

Og hvar eru nú efndirnar á loforðum Hafró, um 500 þúsund tonna árlegan jafnstöðuafla, ef farið yrði að þeirra ráðum, en svo mikill afli náðist nú “fyrir daga” kvótakerfisins. En nú gerir lítið betur en að það náist, árlega, 100 til 200 þúsund tonna ársafli. 

Hvað þarf til þess að almenningur sjái hvernig hlutirnir eru í raun og veru, og sameinist um að krefjast þess, að kvótakerfið verði afnumið og jafnframt komið á frelsi íslendskra sjómanna til þess að starfa við fiskiveiðar ?

 

 


mbl.is Þrír með yfir 10 tonn á strandveiðum í maí
Tilkynna um óviðeigandi tengingu við frétt

Bloggfærslur 5. júní 2018

Innskráning

Ath. Vinsamlegast kveikið á Javascript til að hefja innskráningu.

Hafðu samband