Leita í fréttum mbl.is

Bloggfærslur mánaðarins, mars 2013

Fjármununum í "snjóhengjunni" verði tafarlaust skilað til réttra eigenda.

Hvernig væri það nú að almenningur fengi að vita "nákvæmlega" hver hún er þessi svokallaða "snjóhengja" ?

Eru þetta "500 milljarðarnir" sem stjórnendur lífeyrissjóðanna - 'lánuðu' - einhverjum vinum sínum, - 500.000.000.000 króna, sem hurfu og hafa aldrei verið greiddar til baka ?

Þetta er hluti af 100 ára uppsöfnuðu sparifé þjóðarinnar og þessum peningum á að skila til baka, hverri einustu krónu, til réttra eigenda sem eru launþegarnir sem hafa lagt inn sparifé sitt í lífeyrissjóðina.

Stjórnendur lífeyrissjóða og sparisjóða hafa engan rétt, - að mínu mati, - til þess að lána þessa peninga út og suður, án þess að hafa fullkomnar tryggingar um fulla endurgreiðslu. Og þessir peningar "hurfu" ekki, heldur eru þeir til. Og það á ekki að afskrifa eitt eða neitt, - þessum peningum á að skila til almennings, til þess fólks sem á þessa peninga.

Er það ekki hlutverk sérstaks saksóknara að kanna þessi mál og koma með skýr svör, - finna þessa fjármuni og koma þeim til réttra eigenda ?

Og hvað um Landsdóm ? Er það ekki dómstóll sem er settur upp til þess að takast á við mál af þessu tagi ? Þá þarf að setja sérstök lög og afnema alla bankaleynd, sem er að öllu leiti ónauðsynleg, og hin mesta óhæfa, að mínu mati.

Þeim sem vilja gera eitthvað raunhæft í þessum málum vil ég benda á Fullveldisflokkinn og stefnuskrá flokksins, sem er að finna á vefsíðu undir nafninu - fullveldisflokkurinn.is -.

Þar er kjörið tækifæri fyrir menn að bjóða fram krafta sína og takast á við vandamál þjóðarinnar, - meðal annars að útríma vísitölutryggingunum af lánum, svo og að afnema kvótakerfið og koma á frelsi til fiskiveiða.

En það skeður ekki nema að menn þori að stíga fram, bjóða fram vinnu sína, mynda framboð undir nafni Fullveldisflokksins, bjóða sig fram á framboðslista til Alþingis, safna meðmælendum á framboðslistana og hvetja síðan fólk til þess að kjósa þetta nýja framboð.

Síðan þurfa menn að vinna af hörku til þess lyfta þjóðinni upp úr þeim öldudal sem hefur hindrað og heft allt frelsi og framfarir í landinu, sem og að losa af fólki "dönsku ný-einokunina" (kvótakerfið) og nútíma vistarböndin (vísitölutryggðu lánin).

 

 


mbl.is Vill fund um „snjóhengjuna“
Tilkynna um óviðeigandi tengingu við frétt

Innskráning

Ath. Vinsamlegast kveikið á Javascript til að hefja innskráningu.

Hafðu samband